**********////////. وأجمل ... ملاك .////////***********
بقلم.. شريف ابو عيسى...
بقلم.. شريف ابو عيسى...
كل إللى فات من عمري قبلك ................... كدبه ليه صدقتها
وحياتى قبلك قصه دايبه ................... ياريت ما كنت كتبتها
من يوم ما شفتك كل حاجه ............. بلمسه واحده مسحتها
خلتنى قلت ياريت حياتى ................... ما كنت قبلك عشتها
وبقيت ليلاتى استنى صوتك ........... نغمه حلوه خدتنى ليك
وأسرح معاك وأتوه ف دنيا ......... بشوفها جوه جمال عينيك
وأللا إللى ثاير فوق شفايفك .................. ناره بتدوبنى فيك
لو قلت أحبك تبقى كلمه ..................... شويه لما اقولها ليك
يمكن يكون حكم القدر .................. جمعنا لجل اعيش معاك
وأنسى إللى كان من جرح قبلك ......... طاب بوصفه من دواك
أصل اللى زيك مش بشر ......... ويا بخته دا إللى ينول رضاك
دا إنته إللى ربى رضانى بيك ...... وبعتلى حبى ف روح ملاك
No comments:
Post a Comment